Rev. Thawn Za Nang leh Nu Ciang Za
Niang te' tapa 3 lakah a laita pan ahi hi. 1978 March 3 ni in lawibual
aa, apa kumpi nasep na ah suak hi.
1998 kumin Tan 10 phiding
Tuition kahin Pa Gin Dal te inn sapin om hi. Nitak khat Pa
Gin Dal in Gupkhiatna thugen pih hi. Tua pan in Pasian thu, Pasian hongitna
hangin lungnopna khat hong ngah hi.
1999 January kha bei lamin
Evangelist S/m Maman te in Paakzang ah Crusade hong bawl hi. Tua lai-ah kihelin
tawmvei zui ngei hi. 1999 Feb,1 ni-in Rev. Than Za Cin Tuiphum
hi.
Sangkahna:
-
Kum 5 a phak-in, a Pa Sia Thawn Za
Nang sangsia a sep na Lawibual pan Paakzang a piat tawh kituakin tan lang
pan tan 4 ciang a khua-uh Paakzangah kah hi.
Tan 5 pan tan 8 ciang Mualbem
ah kah leuleu hi. A tan 8 kum Mualbem pan laivuan pi-ah a thumna ngah
ngei hi. Ama adingin a ang tanpih mahmah khat hi. A nu (wwd,qk)laibu
khat sang dingin Mualbem ah pai teuteu sam hi.
1996 teh tan 9 Tedim t.x.u(1)
ah kah hi. Tua kum bei kuan lamin a khau veng Heilei in Tan sawm sang
ngah ahih manin tan 10 a kah 1997 teh Heilei ah hong kah hi. 1997
June kha ciangin a pa deihsakna tawh Tedim F.B.B.C& S ah Lai Siangtho
sangkah hi. Hih kumin Tan 10 ong zolo-in sun sangkah nuam nawnlo-in a lawmte
pawlkhat tawh Tuition kah uh hi. Tua tawh 1998 kum a pua pan tan
10 phi-in "B list" bek tawh ongzo pan hi. 1999 kumteh
phi leuleu in "A list'' tawh ongta hi. Lai Siangtho sang zong kum 3
zoto ta -ahih manin kum khat om lai pen zomto suak vetin 2000 kumin man
a 10 March 2001 ni-in a sang un a 6 vei buaih piakna ah B.A.B.S degree Yangon ah kipia hi.
2001 kum ciangin College ta0;oif tawh zomin 2003 ciang nuamtak in gaulzo hi. 2004 kumciang in
B.A (Geo) Degree, Certificate ngah hi. 2004 kum mah in India-
Chennai (Madras) ah Lai Siangtho sang zom in M.Div course sinsak pah bilbel
hi. 2006 ciangin M.Div buaih leh asang uh pan pahtawina namnih Stewardship
Award leh Best Outgoing Student Award laipite tawh cidam in hong
tung kik hi. Tulaitak TTC ah nitak sang kah kik hi.
 |
| Do Khua Mang Ordination Kipiakna |
Nasep
na :
Tan 10 a-ong phet in Private sangsia
akhua ah sempah hi. Manglai sang tan 5-7 Private in phuanuh a kum 3 bang
siasem hi. Alawmte pawl khat tawh khalsang - 2010 kumin phuan a,
phattuamna tam mahmah napi Nuntak haksatna hang in zomzo nawn lo uh hi.
Nitak sang (Night Study) zong phuanzel in "Meivak" haksatna
hangin zom suak zolo leuleu hi.
2000 kum a Lai Siangtho sang
manpan pawlpi-in kizopna neipah hi. 2002-STBA Del. Pangsak ah Feb,
21-23 sung kinei-a, siazat theihpih ngetna Delegates in MC ah
puakto hi. 29, May 2002 Leilum MC pan STBA-MC in kisang hi.
(Tuahun in thukhun khat oma, theihpih sang a hilo te pawlpi tawh kum 3 sang
kithuah in paubaan na aom kei leh MC ah ki sang thei cih thukhun tungtawn in
kisang hi.
2001 kumpan hunbit sia
(Pastor) in aki zang ahih hangin pawlpi leh innkuan haksatna hangin pawlpi
phalna tawh Mizo gam ah 2003 kumdong singtangvak in ta0;oif phikawm hi. 2004-2006 sang zom leuleu
ahih man in 2006 pan kipan Pawlpi ah aki cian in a-om ahi hi.
 |
| A Masapen Thupha Piakna (Rev Do Khua Mang) |
2008 May 16 ni-in Lamzaang
khua Pa Thawn Khen Cin (Bawmkhai) leh Pi Lian Khaw Niang te tanu neupen Daw
Cing Sian Huai tawh pumkhat suahna Rev. Nang Khen Khup in Pakzaang Baptist
Church biakinn ah ngei-na om bang in sem hi.
2012 kum-in A (11) veina STBA
Siwai leh Tin Jubilee pawi Lam-zaang khua ah, 2013 kum-in A (12) veina
STBA Siwai Zaangtui khuate ah gambup la kidemna ah Lapi dawng (2) amah
phuah kizang hi. Tua hangin STBAYF in 2012 kum-in Ks. 5000, 2013 kum-in
vanlengbel khap (6) tawh pahtawina pia uh hi.
Pianpih
sanggamteng :-
1. (En Lawh Nuam)
2. En Sian Cing + Kam Khan Pau(G. Nekngen) TAB
3. Thang Sian Kham + Cing Noh Ni
4. Nuam Khan Man + Cin Khan Zam
5. En Zam Vung + Thang Ngo Cin
6. (Thang Suan Mung)
7. Do Khaw Mang + Cing Sian Huai
8. Niang Man Dim + Thang Sawm Cin
9. (Dongh Khan Khual)
10.Tuang Za Khai + Cing Sen Zen
