Text : Joshua 24:15... A na nasep sakding peuhpeuh uh
tuni-in teelun... keileh ka Inn kuanpih te in belh TOPA' na kasem ding uh hi.
Thupatna:-
Christian te in Ni thupi diak angaih sut pawlkhat ihnei hi.
Nute ni; Pate ni; Sunday School nipi; WF YF nipi..etc; cih bangin atuam tuam
ihnei a thupi theimah mahhi. Ahizong in tuate khempeuh hongkipat na pen Innkuan
nahi gige ahihman in Innkuan nipi ihneih pen thupi kasa phadiak hi. Kumpi nasep
natuam2 ahi Siavuan Engineer Sangsia
cihte ahi a Pawlpi leh kipawl nathu pi tuam2 ahi zong in a foundation/akingak
na bulpi pen Innkuan mah hileh tet hi. Tua in Innkuan athupit mahmah na honglak
hi. Tuni Innkuan nipi ading in Tapidaw Innkuan cih telhihang! Tuatawh kizui in
:-
1.
Christian Ihcih Bang?
Eipau in Tapidaw cive hangin atak tak in Christian leh
Tapidaw kigam lamah mahhi. Ih lasung ah Tapidaw ihmu nawn ken...acih pen
puahphat na ah Christianaw ihmu nawn ken(TDM387) ihcih pen na hoih mahmah hi.
Tapidaw cihpen kawlpau pan Judson honglak sakhi a Nuzui hoih cihna hi in Kawl phungyi
ten zong Tapidaw/ nungzui nei uhhi. Christian ihcih ciang in Zeisu abang/Zeisu
tawh kisun takei ci a; "Zeisu dan azuite; Zeisu no te" ci aa miten
apiak min ahihi. Tuahi a "Christian cih pen Professional name hi (by Sia
Suan Khan Lian)..e.g.tan sawm all D ngahkhat Siavuan vasin hongman hi; tuatawh
Siavuan pa kici theinai lo a hongsep taktak ciangbek in Siavuan kici thei pan
hi.Tulai bawllung uuk kitam mah mah a C Ronaldo te Messi te theilua kisa atang
thu-uh nangawn atel sinsen kitam simtham taleh tua theihna ciangpen Bawlung
tamaa (ေဘာ္လုံးသမား) kici theilo hi. Bawlu
kimawl tawh anun takciang bekin kici theipan hi. Tuni in nanun takna bup Zeisu
ading napiak ciang amah tawhki suunin amadeih te deih in adeihloh te nadeihloh
teh Christian taktak nahi tahi.
2.
Nupa Pan Kipan:-
Innkuan hong ki pat napen Nupa pan ahi hi.Adan le Eve pan
hongkipan toto ahih na ihthei hi. Mihing hihna tawh nazi napasal pen nadeih
pen2 a nateen pih hikhol lo khading hi ahizong in nanga dingin Pasian in hoih
asak pen a hong piak (honggawm) ahihi. Tuahi a zangnih a kihual khau bawhsat
hak a; zangthum tawh akihual khau bawhsat zawhloh hi cihi(Thuhilhna4:12..Heb.).
Khau' zangnih ahi nupa te ki itna thupi in kipmah mah napin kiplo thei aa atum
na khaupen in kipsak tawntung ci ahih manin tua pen Zeisu etsak na ahihi.
Christian nupa ihsuah theih nading in zang thum tawh akihual acih bang in Zeisu
tawh akihual khawm nupa hidih ni; tuahi leh kitheih siamna kangin ki mawh sakna
te hongbei ding aa; kei mawh na hizaw cihtheih na hong piangin Zeisu limleh
meel alang sak nupa ih suak dinghi.
3.
Nule Pa' Phawkding:-
Tate in nuleh pa kiangah gennop thulian mahmah khat nei a
tuapen genngam lo uh hi; alung simtawng vuah kemin pulaak dingsawm zelta leh
khawlkik niloh uhhi.Nule pa te aw tuathu nathei nuamhiam? theile cin zuihding
ahi leh zuining kipuah phatding ahih leh ki puah phaning kidop ding ahih leh
kidawm ning naci ngam hiam.....? nacih ngamleh honggen dinghi ing... lungdam hi
limtak ngaihsun in honggen tading hing' tate inmaw nule pa kiang ah nathu
kongman loh ding uhpen lunghih mawh huailo aa; nule pa dan hongen in hongzui
kahih lamuh theile uhcin tuapen lunghih mawh huai mahmah zawhi ci uhhi (English
te paunaak). Nulepa apian thak nakleh tate nawkkhat asia a omphial zongin piang
thak lo in asi omtuan loding a; asih ma un piang thak veve ding uhhi(by..Thang
Sian Kham)
4.
Tate Phawkding:-
Taten eleh nule panzong nangtung pan lunggulh leh lamet
mahmah neihi; tuathei lecin ee... bang nacih sawm; hanciam ding ahih leh
hanciam in zuihding ahih leh zuiding in kilam enhang! (i)Nanu leh napa in amau
tunzaw loh amau hih zawh loh teng ahihzo atungzo ding in hongdeih in honglam
enhi.... e.g.Engineer asuak nuam khat asuah zawh lohteh kata te khat beek hong
suak leh ci in lunggulh natawh lamen hi...cihnop na ah hongmuang honglam en
mahmah uhhi. (ii)Nule pate teek lam manawh in nang napicin toto teh nuleh pa in
nangtung pan itna alung gulh zah uh angah loh dinguh dahin itna nalah khiatding
lunggulh in lamet mahmah uhhi.
Thukhupna:-
Isreal te Canaan gam hongtun takuh teh a omsa mite in pasian
tuamtuam nanei in ami nam zui na ngawn in pasian nei uhhi. Anhauh na pasian;
cidam na pasian; guah pasian; ganno pasian...etc; cihbang in nanei uhhi; tualai
mun ah Joshua in no kuana semding nahi uhhiam keileh ka Innkuan pihte in ahih
lehbelh a nungta Pasian namah sem nung aci ahihi.Pasian nasem cihteh Pasian
deih nabang a semin nuntak na ahihi. Kum pi nasem khatin ama utdan in nasem leh
asawt lo in kikhawl sakding hi... Kumpi te deihdan thukhun zui a asep teh Kumpi
nasem kici theipan hi. Joshua in Ken' ciziau lo in "keileh ka Inn kuan pih
te in"acih mawkpen thupi mah2 hi. A Innkuan pihte Pasian thutawh pan
tah/makaih zo mahmah leh padin mun lazo ahih na kimu thei hi. Tuni a Innkuan
Nipi tungtawn in ihsim laimal te tungtawn in Christian nupa Innkuan asuak kim
dingin To pan' thupha hongpia ciat tahen! Amen.
