Koi-ah Omna Hiam?

(Pian.3:9)

Thupat na :-

Leitung khantoh nazui in muntuam gamtuam ah Zomi te ihom hi, tulai tak ee... nang koi-ah om nahiam? Na omna mun kician takin nong gen' theih ding kalam enhi. Tuabang mahin NaKha ading akician in nathei mahhiam Sang gam aw ?

Mathew Henry akici Laisiangtho siam mahmah pa-in Vantung katun teh lamdang kasak mah mah ding thuthum 1. Kalam et mahmah pawl khat Vantung tunglo ding 2. Kalam et het loh pawlkhat Vantung ah muding 3. Kilawm na anei hetlo Kei (Henry) mahmah Vantung katun ding...ci ingelh hi.Pianthak na taktak pen eimah leh eimah kician takin kitel kulhi.

1.(Hong zongzong khat omhi) 

Kuaman hongthei kenteh, kuaman hongmu kenteh ci in nangaih sut namun ahi aa, nangkia khattang bangin lungzuang in na omhun in zong hongmu, hongthei, hongom pihden khat om hi. (Ps.139:1-5). Tua hong ompih, honglung himawh den Pa tawh nakizop na aman lai hiam.

Kinai mahmah in aki gamla mahmah omthei hi. Nupa kalzong khat veivei lupna tung khatah lumkhawm in zanpuan nangawn zawng khawm phial taleh akigam lat mahmah hunuh omthei mawkhi. Pasian in Adan leh Eve amu lo hi lohi, akizop na uh kitat hizaw hi. Nangzong Topan' honglung himawh in hong zong'' laihi. (Jame.4:5)

2.(Kisuang/kisung sia hilo, Kisik kikna kisam)

Pasian thumang lo in Adam leh Eve in Singgah anek uh pen Pasian kiangah Adam in azi Eve mawh siat hi. Eve in gulpi na mawhsiat leuleu ahihman in samsiat na hongpiang hi. Keimah mawhing aci kuamah omlo sam hi. Amawh utlo ponguh hi.

Jerome akici hilhcian Laisiangtho agelh laitak un ama kaipa (Jerome) kiangah Pasian in ''Jerome aw kaneih loh naneih khat omhi tua hong pia-in'' ci in hopih hi. Lamdang salua Topa bang ahiam? nang ading mahin hih hilh cian LST abawl ka hihi acih leh tua hilo hi ci-in thumvei bang akinial khitteh, tua ahih leh bang ahiam Topa aw honggen in kongpia dinghi acih leh Pasian in aw nangai o' honggen ningei tuapen maw ''NAMAWH NA'' cimawk hi. Hihi Sanggam aw tuni in Mawhnei nahih lam naki thelhiam?

Adam leh Eve pen guaktang in a omlam uh akitheih uhteh Theiteh khui in akisel uhhang keupah in kisel zolo uhhi. Namawh na selbawl sekei in Topan' tel mahmah hi..(Ps.90:8). Mawhnei nahih lam nakitel taktak leh nakisik kikloh phamawh hi. Namawh na selbawl in Ki sik kiklo in naki sungsiat leh Zudahsiakazoh nabang khading hi Sanggam aw.

3.(Theiteh silhnuam maw Savun puan)

Adam leh Eve in abawl tawmuh Theiteh puan pen keupah in bangmah selthei lohi. U te naute nangneih itna, hoihna, siantho nate in tomno sungbek hi a, nahih lahna hongpho laakzaw sophi. Adan te nupa in asep/bawl theih lohuh Savun puan' Topan asilh sak bangin nang leh kei in ihhang ciamna tawh ihmawhna kisel zolo bektham lohin ihhan ciam na in mawhnei mi ih hihna hongpho laakzaw ahih laitak in Vantung tuuno sisan in ihMawh na Pa Pasian lungtang ah sawpsiang in Zeisu paihlet in hong en aa, mihoih midik in hong ciamteh khinzo hi..Amen

(Kol.2:14)

Sanggam aw umngam keiphial niteh aihang Pasian in semthei hi.(Mtt.19:26).. Topa min thang sem'' tahen... Amen. Tumah mah in hithu natel leh Umloh theihloh, lungdam loh theihloh thu ahi hi.

Thukhup na :-

Zeisu in asep dingteng zokhin ahih manin ''man khin tahi '' cihi.(Jn.19:30)..Lawmte aw mimawk mawk khatsih na in bangmah semzo kei khamah inteh aihang' ဗိုလ္ခ်ပ္ေအာင္ဆန္း sihna in Kawlgam bup suahtat na ngahsak zo ahih leh Bo cih bang bek ahilo Kumpi te Kumpi Topa te Topa Vantung tokhom nusia in ih Topa Zeisu Khazih sihna in leitung bup gupkhiat zawh na ding kicing zawkan ding ahihna hong telsak hi.

Mimal suahtak nadingin Kumpi ten မွတ္ပုံတင္ hongbawl sakin amau bawl, amau minthuh leh Seal te enin suahtak na, Kawlgam misit ih suah bangin Zeisu Khazih honggup khiatna, asisan vaanglet nate Umin Zeisu gumpa, Topa in nasan' hun in Khasiang tho in hongciam teh hi(Eph.1:13) . Pasian ta nahi ta hi (Gal.3:26). Ama sung ah a om nahi ta a, nangsung ah Amah a om ahi tahi.

(ICor.1:30; ICor.12:13; Gal.2:19)

Rev Do Khua Mang,

Associate Pastor.

Pakzaang Tuiphum Pawlpi.

Siapa, tangthu na simnop leh hih lai malsanna mek in kisim thei hi.