Biakinn Thu

            1936 May 24 pan ki pan kum thum sung (1939) kumdong Biakinn neizo nailo-uh ahih manin Mualbem Biakinn ah Nipi ni sim mah in kikhawm den uh hi.

Mualbem ah kikhawm a paite : -

            1.  Pu Vungh Ngo                  

            2.  Pu Thawng Langh

            3.  Pu Khai Khaw Dongh       

            4.  Pu Kham Zen

            5.  Pi Ngai En                         

            6.  Pi Kham Ngoih

            7.  Pu Kham Kam                  

            8.  Pi Ngiak Hau

            9.  Pu Vungh Za Ngin

1. Biakinn neih masak pen

            Tapidaw pianzawh kum 3 cin-na 1939 kumthak ciang in Nipi ki khop nang Biakinn hong vaihawm uha Pu Lut Khaw Ngin' mun leh gam ahi, khua khung nung pen (Tu laitak a UPC te Biakinn'mun) ah Bi-inn Lam 4 in hong lam uh hi.

            1939 February 5 ni-in amasa pen Biakinn honna nei-uh hi. Tua hun sungin Tapidaw kibeh laplap a Inn kim cih phial ah Tapidaw tangsuak omto mai hi.

2. A (2) veina biakinn

            Hun khat teh Biakinn mun gamlato lua kisa-in Pu Lut Khaw Ngin huangmah ahi khuataw lam, lui leh lui ki tuahna ngeu zum (Tu laitak Pa Ngin Hau Thang'tenna mun) ah tuahsuk leuleu uh hi.

            1946 April 14 ni-in Biakinn thak a (2) veina, Biakinn honna nei leu leu uh hi. 1948 kum Mission sang hong ki phuatteh hih Tapidawte Biakinn hunsau pisung Sanginn in ki zang hi. Hih anih veina Biakinn zong Bi-inn mah ahi hi.

3. A (3) Veina biakinn

            1952 May 22 ni-in Biakinn thak a thum veina ki hong leuleu hi. Hih Biakinn thak zong Bi-inn mah hi lai hi.

4. A (4) Veina biakinn

            Tu-in ngaihsutna thak hongnei-uha, khua tung leh khua nuai kikal ah lamni kikawmna laizang pen ding cih ngaihsutna tawh hong vaihawm leu leu uh a, Sikkang lamding in ngelna hong nei uh hi.

            Amau deihna munpen Dawisep na mual hi a tua mual dilteng tozang uh hi. (Tu laitak a TABte Biakinn mun) Tua mun ah asikkang teng uh a koih uh leh huih-in len a khuataw lui Muizang kuamteng den-na khin hi. Luisung pan tawm in kipan kik veve uh hi.

            1960 kum in a (4) veina Biakinn sikkang hong khuh uh hi. Biakinn umman nailo-in huihpi in sawnpai leuleu in sing nangawn tampi kisia hi. Aki tangsam sing leh sikkang hong kaikhawm kik in tha hong san leuleu uh hi.

5. A (5) Veina Biakinn (Biakinn honna omlo)

            Hih a (5) veina Biakinn pen aman ding hita a, kongvang neu (jywif;ayguf) teng thuahding bek in akisap laitak 1983 April 14 nitak 7:00-8:00 (PM) hunsung in huihpi nasia takin hongnung leuleu a, hih a(5) veina Biakinn zong akhuamteng tankhin in na akimang thei ding Sikkang, Singte om nawn lo hi. Hih huihpi hangin khuasung ah Inn 7 zong kisia hi.

 

1983 Kum aa Huihpi Suksiat Biakinn

6. A (6) veina biakinn (Biakinn honna omlo)

            Tu-in ngaihsutna beita-in cihna ding ki theizo nawnlo-ahih manin TBA ah athu kipuak hi. TBA in kumkhat sung jzwfydkif; tawh TBA gam sungah Sumdon khuan hongpia hi. Ahizongin hih hun sungin Natgual hong tungin kivak zolo a, kum hong beita hi. Vakkhuan kingahzo nawnlo hi.

            A hizongin jzwfydkif; hun beisapi mahzang in meltheih, maingapte kiang ah Makaite pai veve uh hi. Tedim khuapi sung mimal tung leh Kawlzang ah tawmkhat vak uha, kona, taina teng thuak in alam sap khom uh zong ngah zolo uh hi. 1983 April pan kum 2000 dong (kum 20) dek tak Biakinn neilo-in ki om a, Nu Cing Luan Niangte Inn kikawm in tua munah Biakpiak ki khopna kinei zel hi.

            A hizongin amau a-Inn uh a phal mahmah hangin Nophun, Dah hun ciangin lemthei lo ahih manin ahi thei bangin Sikkang sia, Singsiate buptuah gawp in a lang Bi- alang Sikkang in kilam hi. Nisa dal ciang hi a, guahzukteh  asungah Kawllukhu khuk kul hi. Tua pen a (6) veina Biakinn mah cih kul tamai hi.

7. A (7) VEINA BIAKINN

            Hihzah in haksatna, athuak uh hangin Pasian in aphuhsa Pawlpi nusia lo-in dinpih a thathak nguan veve hi. Hong vaihawm leuleu uh a, Lo gam sing aki zangthei ding anei peuhpeuh in pia lel uh hi. Inn sik sehtan zong kiseh a singpeek lam 2 tek ki hanciam hi. Suklui-ah Zuang siangat in kigiak a Pawl taangin singpek kinawn hi. Pasian huhna tawh  Biakinn pi Topa'n hong gualzawh pih hi.

            2004    ni-in A (1)Veina STBA YOUTH CONFERENCE ah Rev. Hau Za Cin (Zangtui) STBA Chaiman in honna nei hi.

                   Thubul phuh " Na khatna kisam lai hi." Luke 18:22

A (7) Veina Biakinn (Tulaitak Kizangh lai)

 Hih A (7) veina Biakinn adin zawh nading a kipiak khiatna aki lang phadiakte : -

Biakinn mun vai

            Ih Biakinn mun mahmah zong laih ni cih ngaihsutna hong om a, tua hun a Pastor Quater mualpang (tu laitak  Pa Nang Khan Ngote teenna mun) ah lam ding hoih kisa-in Ks. 20000/- (Tulsawm nih)amun kilei hi. Khamtal lakpi ahih manin Pawltang in ahi thei zahzah kuan in Biakinn mun kito a, kumkhat sung bang tawh kul phialding in haksatna-a om teh tulaitak a kilamna "Sanginn sak"ah ki tuahphei hi.

            Hih Biakinn kilamna munpen Upa Suan Khat Langh, Upa Suan Go Thang leh Upa Nang Khan Dalte in Pawlpi konlawh lo-in Pawlpi Biakinn munding in kipawl in alei uh hia, bangzah tawh kilei-uh cih zong pu lak lo-in Pawlpi apiak uh ahi hi.